“Totu is regionis italianas de cras, o su prus adduru de martis ant a tenni is mascherinas po is dotoris, infermieris e totu cussus chi s’agatant in is ispidalis. De sa cida chi at a benni, invecias , eus a cicai de donai a totu is italianus is mascherinas po si difendiri de su Coronavirus”. A ddu nai, in sa televisioni, est su comissariu istraordinariu po s’emergentzia de su Coronavirus, Dominigu Arcuri.
Est intervenniu in sa trasmissioni “Mezz’ora in più”, e at aciuntu: “Finas a imoi doniaus unu milioni de mascherinas. Eriseru ndi eus spainau tres milionis, e in sa cida ch’intrat cicau de cresciri ancora. Nosi serbint noranta milionis de mascherinas dogna mesi, seus cichendu de fairi de totu e giai si cumprendit a sa sola ca est unu tempus ecetzionali”. “Ci funt cincuanta milionis de euro a dispositzioni de is aziendas italianas chi bolint incumentzai a fairi mascherinas, oi ndi feus paghissimas, ma in su tempus de pagus dis prus de centu aziendas funt prontas a partiri”.
Foto: https://www.open.online/2020/03/22/misteri-ritardi-gara-mascherine-anti-coronavirus-consip-cancella-appalto-dopo-articolo-open/
