“Bosi asseguru ca su Guvernu at a sighiri a abarrai a dispositzioni e decidiu, comenti ddu at sempiri fatu finas a imoi, a pigai mesuras necessarias po binciri custa batalla”. Su preisdenti de su Guvernu Conte arrespundit aici a is preguntas, fatas de sa Lombardia e de su Venetu, is regionis prus boddias de su virus, ma finas de totu su centrudresta, de mesuras ancora prus seguras po custu tempus de apretu po totus.

Su guvernu est trabagliendu a unu decretu nou chi podit essiri prontu in is oras chi benint e nai ca giai a is regionis de decidiri atras serradas, cun s’arrespetu de is mesuras de su Guvernu centrali.

A pustis binti dis de s’erribu de su Coronavirus in Italia, chi est in cuarantena de Aosta a Palermo, teneus degimila impestaus, 1004 funt curaus.

Finas su presidenti de sa Lombardia Fontana at tentu eita nai: “Est su tempus de abarrai firmus. Tocata a serrai totu imoi po torrai a partiri su prima possibili”. Fueddus torraua a pigai finas de Salvini: “Soi cun is guvernadoris e is sindigus chi pedint mesuras seguras e frimas. A foras de is cosas chi serbint, serbit a serrai totu”.

Eriseru Lega Fdi e Forza Italia ant atobiau su Guvernu chi at fatu sciri de bolli ascurtai a totus. Po s’ora non cambiat nudda, a dogna manera.

 

 

 

 

Foto: https://www.repubblica.it/politica/2020/03/05/news/coronavirus_nuovo_dpcm_firmato_da_conte-250285482/