Elly Schlein, chi fut deputada in Europa e chi in is urtimas eletzionis regionalis de s’Emilia Romagna at pigau prus de bintimila votus, est sa numurus dus de sa Regioni a is palas de Istevini Bonaccini. Ddu at fatu sciri su matessi Bonaccini scriendudeddu in paperi.
In sa Giunta regionali eus agatai finas su manager Màuru Felicori, chi fut su responsabili de sa Reggia de Caserta, chi at a sighiri sa cultura. Po su Trabagliu intrat in giunta su vicesegretariu de sa Cgil Pissenti Colla. Bonaccini at fatu sciri, a dogna manera, chi sa scuadra at essi pronta aintru de custa cida.
“Elly at trabagliu beni e s’arresurtau chi at tentu est mannu de averas. Ce dd’at fata a fairi calencuna cosa de nou, massimamenti cun sa lota po is diseguagliantzias e po s’ambienti”, at scritu su Presidenti, “e po custu dd’apu intregau is politicas de su Welfare e cussas de unu Acordiu nou po su Clima, chi tengiu gana de fairi cun totus, comenti fut in su programa politigu”.
Foto: https://www.ilpost.it/2020/02/11/elly-schlein-vicepresidente-emilia-romagna/
