In Sardigna funt erribendu, fut ora, is mascherinas po sa protetzioni de su virus Covid-19. Po primus ant essi donadas a chini trabagliat in is ispidalis, in is ospitzius, a is volontarius chi funt trabagliendu e a chini currit erriscu mannu de essiri impestau.
“Giai de sa cida ch’intrat s’at a podiri biri comenti si podint fairi erribai is mascherinas in dogna corrunconi de s’Isula”, at fatu sciri su presidenti de sa Regioni, Christian Solinas, chi at fatu sciri ca ant erribai milli e cuatruxentus cascias. Su guvernadori at insistiu in su fueddai de s’obrigu de tenni sempiri sa mascherina in is murrus “Una borta chi sa genti est obrigada a umperai is mascherinas po intrai in is butegas e uficius abarraus obertus – at nau – eus a donai is mascherinas e totu in is orus de custus, aici a chini si presentat chena ddis ant essi donadas inigui e totu.
Foto: https://www.prezzifarmaco.it/979374004-mascherina-ffp3-con-valvola-10-pezzi
