De oi in Sardigna incumentzant dis de bentu forti, massimamenti in is costas de su nord de s’Isula. Ddu fait sciri, cun d’un’avisu, sa Protetzioni Civili. Su cumbidu est, duncas, a donai crobba manna a chini est in machina o in moto in is tretus aunia su bentu est prus forti, comenti podit essiri in is bessidas de is gallerias o in pissu de calencunu ponti. Atru cumbidu de sa Protetzioni Civili est cussu de non bessiri in barca e de non s’acostiai in is struturas aunia si bit ca erribat prus bentu e abba. Atentzioni puru po is stradas de is costas. Su bentu forti at a fairi abasciai is temperaduras, chi finas a giobia ant andai de is 15 a is 18 gradus.

Si serrat, duncas, su calori de custu incumentzu de friargiu cun temperaduras artas de spantu. Bastat a pensai ca in Capo Bellavista a s’auna de eriseru ddue teniant 27 gradus, una temperadura mai bida in Sardigna in su mesi de friargiu. Casteddu e Terranoa eriseru, cun 22 gradus, funt is citadis prus caglientis de totu s’Italia.

 

Foto: https://m.quinewselba.it/rio-vento-e-mare-mosso-aliscafo-elba-fermo.htm