Non feti musica in su Festival de Sanremo de eriseru. In pissu de su palcu de s’Ariston est erribau unu de cussus chi totus aspetaiant: Orrobertu Benigni. Su comicu toscanu, custa borta, at lassau a foras sa politiga e s’est postu a recitai su Cantico dei Cantici. A nai sa beridadi una stocadedda a sa politiga, massimamenti a Salvini, dd’at donada candu at arregodau s’editzioni de su Festival de su 1980: “Tandu iat bintu Toto Cutugno, chi erribaiat sempiri segundu ma cussa borta ce dd’at fata a binciri. Imoi perou est cambiau su sistema de votai, m’ant nau ca si podit finas citofonai in is domus nedu chi ddu at genti chi cantat”.
Amadeus at obertu su Festival arregodendu is mortus de s’incidenti de su Freciarossa in Lombardia.
A pustis est incumentzada sa gara, cussa de eriseru biat is cantantis chi depiant cantai cantzoni becias de Sanremo. Is strangius chi funt erribaus a cantai funt Lewis Capaldi, cantanti scotzesu, e Mika chi at cantau De Andrè.
Meda intendia de totus sa presentzia de seti cantantis feminas, Alissandra Amoroso, Giorgia, Fiorella Mannoia, Laura Pausini, Gianna Nannini, Elisa, Emma, chi ant chistionau de su cuncertu de su 19 de cabidanni in Reggio Emilio po nai ca nou a totu is mortis de is feminas po manu de is ominis.
Foto: https://www.raiplay.it/video/2020/02/sanremo-2020-roberto-benigni-il-cantico-dei-cantici-99002db8-7f1c-4266-88d6-489da47261a0.html
