Cuindixi milionis de euros po chini, in piticu, fait turismu in Sardigna. Funt cussus postus a curriri de sa Regioni cun d’unu avisu pubricu cun s’art. 7 de sa lei regionali de su 9 de martzu de su 2020.
“Sa pensada est tra is primas in totu s’Italia. Boleus agiudai chini trabagliat in su turismu e imoi s’agatat in dificoltadi manna po mori de su Covid-19 – narat s’assessora a su trabagliu de sa Regioni Alisandra Zedda -. Cun custa lei sa Regioni podit imprestai finas a setantamila de euros”.
Est unu pagu de aria po chini depit incumentzai sa stagioni de s’istadi chi ancora non si scit beni comenti at essi. Dinari chi serbit de averas e chi si podit pediri de is dis chi ant a benni. S’imprestidu si podit torrai in ses annus e non at a tenni perun’atra aciunta. Est a nai ca chini si pigat bintimila euros nd’at a depiri torrai su matessi tanti.
Su dinari s’at a podiri pediri de meruris 29 de arbili.
Foto: https://viaggi.corriere.it/europa/italia/sardegna/
