Su bulletinu de sa Regioni fueddat  craru e tundu: undigi is positivus nous (1.247 in totu), mortus chi s’acostiant sempiri prus a giumpai su centu e genti meda chi sighit a sanai. De nai, a bogi arta, puru ca is ispidalis si funt sbuidendu, chi de una parti abarrat artu su numuru de sa genti acorrada in domu, de s’atra, est a biri, ca funt feti norantaseti cussus chi s’agatant in is aposentus de is ispidalis, e de custus “feti” binti in terapia intensiva. Totu custu in su mentris chi si sighint a fairi is tamponis. De s’incumentzu de custa cida si nd’at fatu cuasi milli e in totu seus erribaus a cuasi dixiaseti mila. In is dis chi ant erribai s’at a incumentzai un’analisi epidiemologica de sa Regioni chi s’est posta de acordiu cun su sociu scentificu. Si fueddat de, prus o mancu, coranta mila “test anticorporali” de fairi in is biddas de sa Sardigna, massimamenti in cussus 252 aunia non ddu est mancu unu positivu a su Covid-19.

 

 

Foto:https://www.ilmessaggero.it/italia/coronavirus_bollettino_italia_mappa_casi_morti_guariti_ultime_notizie_oggi_22_aprile_2020-5186204.html