Su Guvernu e sa politzia bolint fairi sa guerra a chini non sighit is regulas chi ant donau, a pustis totu is cosas chi si funt bidas, in totu s’Italia, in is primas dis de “libertadi”. “Depu torrai gratzias a totu is italianus, ma no est acabada. Tocat a essiri crarus, non est s’ora de sa movida e de is festas, chi nde chi no is impestamentus torrant a bessisi. Aici at arrespustu su presidenti de su Consigliu Conte, bessendu de su Senau, a una becigedda chi dd’iat torrau gratzias, “a nomini de s’Italia”, po totu cussu chi at fatu in is urtimus mesis. “Ndi eus tirau su paperi de sa certificatzioni, ma nemus si sonnidi ca funt sartadas is atras regulas”, amelessat su presidenti.
Su capu de sa Politzia, Francu Gabrielli, invecias, at scritu a totu is cuestoris de s’Italia, po pediri, tra is atras cosas, de assegurai s’atentzioni a is regulas.
Sa genti at a cumprendiri ca ancora no est acabau s’erriscu de su Coronavirus? Parit ca, comenti ndi funt bessius de domu, aunia funt incungiaus de dus mesis, totu s’est torrau a ponni comenti fut a innanti. Eus benni a biri…
Foto: https://www.lagone.it/2020/05/21/fase2-contenon-momento-della-movida-la-curva-risalire/
