Su presidenti de su Guvernu Giusepu Conte at chistionau eriseru in su Senau, a pustis chi ddu iat fatu in sa Camera sa dì innanti. Si depiat chistionai de is mesuras de su Guvernu po s’emergentzia Coronavirus e tocaiat puru a ascurtai sa ministra Azzolina po su mundu de sa scola. “Custa pesta at postu in genugus, comenti mai, totu is stadus europeus. Sa necessidadi de no impestai is atrus nos at fatu cambiai vida. Funt dis legias e ancora prus legias po totus, e is mortus de dogna dì nos arregodant sempiri su dolori”. Conte at arregodau is imaginis de is baulus unu in fatu de s’atru chi nos ant amostau: “Seus a costau de is familias insoru”, e is senadoris si ndi funt pesaus e ant batiu, po meda ora, is manus.
Conte at, dapoi, torrau gratzias a totu is dotoris e infermieris chi funt trabaglendu in custu tempus e at nau puru ca seus fendu una guerra cun d’unu nemigu chi non si bit e po cussu ancora prus perigulosu.

Foto: https://www.repubblica.it/politica/2020/03/26/news/conte_parlamento_renzi_fico_berlusconi-252349192/