Sa coronavirus at giumpau is milli mortus in Cina. Ddu ant nau is autoridadis cinesas chi chistionant finas de corantatres mila impestaus. Sa provincia prus posta mali abarrat cussa de s’Hubei aunia s’agatat sa citadi de Wuhan, aunia in is urtimas oras ddue funt stetius centu mortus. In s’ora, candu finas in Sardigna si suspetat de duas personis (pobidda e pobiddu) torradas de unu viagiu in crociera, trintacincu italianus abarrant frimus in isolamentu in sa navi de crociera Diamond Princess. In pissu s’agatant centutrintacincu impestaus de sa coronavirus.
“Dognunu chi est in pissu de sa navi tenit unu termometru po sei de umperai sonumancu dogna cuatr’oras. Chi sa caglientura bessit subra is 37,5 tocat a avisai is dotoris”, contat un’italiana chi s’agatat inigui.
Sa picioca, chi in is social si fait connosciri comenti Allegra Viandante, contat finas Chi “si sighit a cumpudai a totus e finas a imoi atrus sessantacincu funt stetius impestaus e si depint aciungiri a is atrus setanta giai impestaus”.
Foto: https://www.ilmessaggero.it/mondo/coronavirus_italiani_diamond_princess_ultimissime_10_febbraio_2020-5041616.html
