In su mentris chi sa politzia postali andat a innanti cun s’indagu po cicai de donai unu nomini a totu cussus chi ant scritu contras de Sirvia Romano, sa picioca secuestrada in su mesi de Sant’Andria de su 2018 chi po dixiotu mesis est abarrada in manu de is presoneris, torrat a nai ca sighit sa religioni islamica, scriendudeddu in Facebook.
Ddu fait scriendu de is fueddus chi s’agatant in su Coranu, aunia si chistiionat de amistade e chi parit unu cumbidu a sa pagi. “Non funt sa propia cosa fairi a malus e fairi a bonus. Torras a pala scussa cun calencuna cosa chi siat meglius: cussu chi ti pariat nemigu at a diventai un’amigu. Erricint custu feti cussus chi, cun passientzia manna, sighint, e sucedit feti a chini giai tenit cus’arregalu mannu”.
In sa mesa de su pm milanesu Arbertu Nobili, ddu est sa relata de sa Digos, ddu est scritu de tres cosas legias sucedias a costau de aunia bivit Sirvia e po custu in is orus de sa domu ddu est sempiri sa Politzia a controllai.
Foto: https://www.ilfattoquotidiano.it/2020/05/14/silvia-romano-ha-ritrovato-unitalia-isterica-e-cattiva-ma-le-sue-scelte-non-sono-affar-nostro/5801565/
