Comenti dogna merì Angilu Borrelli, capu de sa Protetzioni Civili italiana, at chistionau de is numurus de su Coronavirus. Is fueddus de Borrelli custa borta funt unu pagu prus allirgus ca is mortus, finas chi sempiri medas, funt calaus e is sanaus, invecias, funt crescius. Difatis cussus chi ce dd’ant fata funt 952, numuru chi si depit aciungiri a cussus de innanti e bessint a giumpai is setimila. Is positivus de eriseru funt 3.957 e is mortus funt “calaus” a 651 chi portant su numuru a 5476 in totu. “Funt numurus unu pagu prus bascius de s’atra dì, spereus chi incumentzint a s’abasciai a bellu a bellu, po s’ora tocat a sighiri sempiri is mesuras chi at pigau su Guvernu”, at nau Borrelli. Is positivus funt aici dividius in is regionis: 17.885 in Lombardia, 6.390 in Emilia-Romagna, 4.644 in Veneto, 4.127 in Piemonte, 2.231 nelle Marche, 2.144 in Toscana, 1.351 in Liguria, 1.272 nel Lazio, 866 in Campania, 738 in Friuli Venezia Giulia, 885 nella Provincia autonoma di Trento, 648 nella Provincia autonoma di Bolzano, 748 in Puglia, 596 in Sicilia, 539 in Abruzzo, 500 in Umbria, 354 in Valle d’Aosta, 327 in Sardegna, 260 in Calabria, 81 in Basilicata e 52 in Molise.
Foto: https://www.facebook.com/DPCgov/
