“Totus speraiant de torrai in pressi a sa vida chi faiant a innantis, ma non ci funt is cunditzionis, ddu depeus nai in manera crara e forti”. Su presidenti de su Guvernu, Conte, non ddu mandat a nai e difendit su decretu. Conte non si moviat de Roma de su 27 de friargiu e eriseru est erribau in sa Prefettura de Milanu, aunia at chistionau chena perunu pilu in sa limba. “Custa no est, ancora, s’ora de lassai a perdiri. Custu Guvernu non cicat votus ma cicat de fairi is cosas comenti si depit, finas chi custu non pragit a meda genti. Cumprendu ca funt ancora mesuras tostadas, ma est craru a totus ca non podeus fairi atra cosa”.
In pagus fueddus, at sighiu: “non ci depeus fuliai a mari totu is sacrificius chi eus fatu finas a imoi, tocat a umperai s’arregioni, chi dognunu si nd’andat po s’orruga sua est impossibili a fairi is cosas beni”.
Cras su presidenti at essi in Genova po controllai is trabaglius de su Ponti Morandi e at a fairi biri s’atra faci de sa “fase 2”: cussa de is cantieris chi torrant a partiri.
Foto: https://www.ansa.it/sito/notizie/politica/2020/04/27/coronavirus-conte-in-serata-a-milanobergamo-e-brescia_72402552-0138-4e9a-a474-3583f1c4e299.html
