“Su speru est chi una di bosi possa preniri de prumu de su primu a s’urtimu”. Est feti una parti de su chi at scritu, arrespundendu a unu post de su responsabili de sa Lega in Sardigna, Eugeniu Zoffili, chi eriseru in Facebook at fatu sciri de un’atobiu de su partidu in Casteddu, comenti at a fairi sa Lega in Roma, po su dus de làmpadas. Cussu chi at amelessau Zoffili ddu at fatu cun d’unu nomini fartzu, Ajeje Brazorf, chi est unu protagonista de unu trabagliu de is tres comicus Ardu, Giuanni e Giagu. “Sacu de merda, depis abarrai a tesu ca non di boleus de legaiolus de merda in Sardigna. Sa memoria dda teneus longa”, aciiungendu a custu s’amelessu po s’omini de Salvini in Sardigna.
“Mi nd’apenu po custu mischinu chi m’amelessat. Andaus a innanti – at nau Zoffili – cun gana de fairi po su benidori de sa Sardigna e de totu s’Italia. Nosi bieus su dus de làmpadas in Casteddu”.
Foto: http://www.agrigentonotizie.it/politica/comitato-parlamentare-schengen-visita-lampedusa.html
