Is albergus sardus funt serrendu is portas a pagu a pagu in custas oras finas chi su decretu de su presidenti de su Guvernu Conte non ddus obrighit.
“Funt arriolaus meda po s’apretu natzionali de su Covid-19, ma cicant de cumbatiri chena timiri”, narat su presidenti de Federalberghi Sardegna Pàulu Manca.
“Chini dirigit albergus obertus totu s’annu, comenti cussus de is citadis, est scancellendu is prenotatzionis abarradas e serrendu finas a non si scit candu”, sighit Manca, nendu puru ca “abarrant obertus is albergus chi tenint comenti de clientis, po arregionis de abisongiu, parentis de malaidus, genti chi trabagliat o personali de pubrica siguresa”. Non si scit ancora nudda po is albergus chi oberint feti in s’istadi chi ddu depiant fairi totus a intru de su primu de maiu. Po custus totu is prenotatzionis de martzu, arbili e maiu funt perdias, e funt primas cussas po totu is mesis de s’istadi.
Foto: http://www.ansa.it/sardegna/notizie/2020/03/12/alberghi-sardegna-verso-la-chiusura_7183c942-ca10-4cb1-9e01-f3b7edfb9815.html
