Cuatrugentusetantacincu mortus feti in binticuat’oras, s’Italia bincit contras de totu su mundu e finas cun sa Cina. Ddu at nau su bulletinu de sa Protetzioni Civili de eriseru: bessint a 2978 is mortus de Coronavirus. In totu funt 28.710 is malaidus, feti eriseru 2648. Chi contaus mortus e sanaus in totu erribaus a 35.713. In terapia intensiva po imoi s’agatant 2257 tra ominis e feminas, 197 in prus de di innanti de eriseru. Cussus chi ce dd’ant fata funt invecias 4025. “Unu numuru aberu mannu”, at nau Angilu Borrelli su capu de sa Protetzioni Civili.
“Totu custu nosi fait pensai beni, at aciuntu, ma tocat a sighiri a fairi cussu chi seus fendu, non bessais chi non c’at aberu bisongiu”.
Is numurus a eriseru funt custus: In Lombardia teneus 12.266 malaidus, in Emilia Romagna 3915, 2953 in Veneto, 2187 in Piemonti, 1476 in is Marche, 1291 in Toscana, 744 in Liguria, 650 in su Lazio, 423 in Campania, 416 in Friuli, 436 in Trentino, 366 in sa provincia de Bolzano, 362 in Puglia, 267 in Sicilia, 249 in Abruzzo, 241 in Umbria, 21 in su Molise, 134 in Sardigna, 162 in sa Valle d’Aosta, 126 in Calabria, 27 in sa Basilicata.
Foto: https://www.corriere.it/salute/malattie_infettive/20_marzo_03/coronavirus-italia-positivi-morti-bollettino-3-marzo-regione-regione-94d10106-5d67-11ea-ad92-9d72350309c8.shtml
