Furint is cincu e tres minutus, de setant’unu annus a oi, candu s’aperuchiu de sa scuadra de fubal de su Torinu andaiat a si sciasciai in Superga. Scuadra famada apetotu, fata de giogadoris chi a innanti de totu funt ominis balentis. Manc’unu si ndi fut sarvau de cussus chi funt a intru: giogadoris, allenadoris, dirigentis, giorronalistas, totu mortus. Torraiant de Lisbona aunia iant giogau una partida cun su Benfica, perdia po 4-3: de Romeo Menti s’urtimu gol de cussa scuadra, chi in Italia e forsis in su mundu non teniat ogualis. Iant fatu bisai is italianus, chi ndi bessiant de sa guerra, a cicai de biri su benidori in craru e no in nieddu.
Arregodaus cussus piciocus, chi ancora funt in su coru de chinechisiat, ligenduru is nominis: Valerio Bacigalupo, Aldo Ballarin, Dino Ballarin, Émile Bongiorni, Eusebio Castigliano, Rubens Fadini, Guglielmo Gabetto, Ruggero Grava, Giuseppe Grezar, Ezio Loik, Virgilio Maroso, Danilo Martelli, Valentino Mazzola, Romeo Menti, Piero Operto, Franco Ossola, Mario Rigamonti, Július Schubert.
Foto: https://www.maximitalia.it/4-maggio-il-cielo-su-torino-e-color-granata/
