Sighit a s’amanniai in Cina, ma non solu, s’epidemia de coronavirus. Su numuru de is mortus imoi at giumpau is centusetanta e is casus connotus funt cincumila, cuasi totus in sa provincia de s’Huebi, aunia s’agatat sa citadi de Wuhan.
In su mentris si cicat de trabagliai po cicai una cura, po custu is espertus de s’Oms funt acostau a is collegas de Pechino.
A pusti airi blocau is viagius imoi sa Cina at decidiu de suspendiri manifestas e atobius chi lamant genti meda, massimamenti cussu de sport. Sa Chinese Football Association, la Federcalcio cinesa, at decidiu de rinviai totu is partidas.
Finas is multinatzionali funt pighendu deicisionis mannas: s’Ikea at fatu sciri chi serrat sa metadi de is butegas e su matessi at a fairi sa Starbucks e sa Toyota ha decidiu, po s’ora, de firmai sa produtzioni. Cumpagnias aereas medas, incumentzendu de sa United Airlines e sa Lufthansa, ant scioberau de firmai is bolus cun Pechino e atras citadi mannas cinesas.
Imoi sa Cina timit po cussu chi podit sucediri a s’economia de domu sua. S’agentzia Nomura narat ca sa crisi at essi prus tostada de cussa de su 2003 po curpa de sa Sars.
Foto: https://www.quotidianodipuglia.it/regione/coronavirus_allarme_salento_primo_caso-5016001.html
