In su 2019 in sa provincia de Nugoro si funt bistus cuasi milli e cincugentus incidentis de genti guidendu sa machina. De totu custus po digiaseti bortas est erribau su mortu puru. segentusetantaseti funt cussus chi si funt strupiadus e cincugentudigiotu cussus iscanneddadus. Cali funt is curpas de chini tenit calencunu incidenti? Po prima agataus cussa de umperai su telefunu candu si umperat sa machina; atra curpa manna est cussa de non castiai beni is segnalis de chini depit passai prima in is orrugas e agataus puru su curriri tropu e s’umperu de alcol e drogas.
Sempiri in custa provincia, est a nai, ca agataus finas medas incidentis po mori de is animalis lassaus chena essiri castiaus de is meris.
Eita si podit fairi po cicai de fairi calai is numurus? Si depit trabagliai meda in is stradas cun signalis stradalis chi si biant e siant crarus, lugis sempiri chi funtzionint e non chi lessint a su scuriu is zonas aunia s’erriscat de prus. Massimamenti, però, serbit a fairi connosciri a is giovunus eita s’erriscat chi non si umperat sa machina cun cuscentzia manna: custu est cussu chi depint fairi is scolas, is familias e totu sa sociedadi.
Foto: https://www.repubblica.it/cronaca/2019/12/16/news/istat_aumentano_i_morti_negli_incidenti_stradali-243607514/
