Feti chistioni de tempus s’erribu de Marko Pjaca in Casteddu po giogai cun sa scuadra de Maran. Su giogadori, a pustis ndi airi chistionau meda cun s’amigu Marko Rog e cun s’allenadori de su Casteddu etotu, at decidiu de nai ca giai a sa scuadra sarda po fairi torrai a partiri sa carriera sua. Est a biri imoi eita narat sa Juventus, su Casteddu iat a bolli su giogadori prestau chena pagai nudda po digiotu mesis, e duncas finas a làmpadas de su 2021, e is segus su Casteddu iat tenni su diritu de ddu comporai ma chena perunu obligu po dogi milionis de eurus. Chi sa scuadra de is Agnelli narat ca giai su giogadori est prontu a fairi totu is visitas e a si ponni a dispositzioni de Maran tra oi e cras.
Chi andat totu beni cun Pjaca tandu su Casteddu incumentzat a si castiai beni po comporai unu difensori puru finas chi non si bint giogadoris, bravus de averas, chi podint serbiri. Po comporai genti chi non fait fairi su sartu de calidadi a sa scuadra est meglius a abarrai ai custa manera e cicai calencuna solutzioni cun is giogadoris chi giai si tenint.
Foto: https://it.wikipedia.org/wiki/Marko_Pjaca
