In su mentris chi Istevini Bonaccini bincit is regionalis in Emilia Romagna, aunia sa Lega de Salvini non ce dda fait a intrai beni in s’entiri de sa genti, in Calabria su centrudrestra bincit facili facili. Sa candidada de Fortza Italia, Jole Santelli, diventat sa prima femina a fairi sa presidenti de sa regioni. Is numurus funt custus: Jole Santelli pigat su 55,9% ; Pippo Callipo, imprendidori e candidau de su centrumanca, su 30,1%; Franciscu Aiello, de is Steddaus, si frimat a su 7,4% e su candidau indipendenti Carrulu Tansi est a su 6,3%.
Finas innoi su partidu democratigu comenti in Emilia Romagna est su primu partidu cun su 16,3% sighiu de Fortza Italia cun su 12,8% e sa Lega cun su 12,1 e Fratelli d’Italia a s’11,2%. Is Steddaus, chi innoi curriant paris a una lista civica, funt a su 6,2%. Berlusconi s’est inderetura fatu intendiri nendu ca “Jole Santelli est cussa chi at at a permitiri a sa Calabria de cambiai” e sa matessi Santelli at impromintiu “una regioni diversa de cussa chi eus tentu”.