“Prus de aici fut dificili a fairi”. Cun custus fueddus su candidau de sa coalitzioni de centrumanca Massimu Zedda eriseru, biora de is ses de meri, at amitiu sa vitoria de Christian Solinas. De airi perdiu non s’est spantau.
“Ddu scia ca perdiaus ma scia finas ca tocada a donai una sperantzia a su centrumanca, e ddu eus fatu, e ca tocada a frenai is populistas. Oi scint ca ddu est calencunu in sa strada insosu e seus nosu”, at nau chistonendu de is votus chi at recuperau sa coalitzioni sua. “Is numurus nos si narant ca seus andaus beni chi castiaus candu eus incumentzau. Deu apu pigau trintases mila votus in prus de sa coalitzioni mia e cun is duas listas mias eus pigau setantamila votus in prus”, at sighiu a nai. “A pustis is politicas de martzu passau si creiant ca fustis mortus, invecias cun custus numurus podeus cicai de ndi torrai a pesai sa manca”.
Foto: sardiniapost.it
