Serbiat a binciri e funt erribaus is tres puntus. A pusti su gol de Kucka in su primu tempus pariat un’atra partida andada mali, invecias in su segundu tempus is piciocus de Maran, gratzias a unu Pavoletti de Natzionali, s’ant pigau tres puntus chi serbiant comenti de s’aria. Ce dd’at posta totu su Casteddu e a sa fini at bintu cun meritu, ddu at nau finas s’alelnadori de su Parma D’Aversa. Dus gol de s’atacanti de su Casteddu, unu prus bellu de s’atru, funt serbius a si ndi tirai unu pagu prus a sus e imoi su Casteddu tenit binticuatru puntus. Su Bologna, chi est s’urtima scuadra chi imoi ci iat a calai in serie B, giogat oi cun sa Roma, ant perdiu Frosinone e Spal ma ant bintu s’Udinese e s’Empoli e po cussu non tocat a si creiri ca imoi est totu a postu. Dominigu a s’ora de prangiu un’atra bataglia contras de sa Sampdoria de Giampaolo po fairi cresciri is puntus in classifica e si stesiai de su fundu.
Foto: repubblica.it
