Gianmarco Pozzecco si podit nai cuntentu de comenti est andendu sa Dinamo: is sassaresus serrant beni meda is tres partidas chi ant giogau in domu custa cida bincendu finas cun sa Virtus Bologna po noranta a setantadus. Est una vitoria importanti poita fait acostai sa scuadra de Sassari a is playoff chi est atesu feti de dus puntus.
Sa Dinamo, a s’incumentzu, est calada in campu cun Smith, McGee, Pierre, Thomas e Cooley. Su primu tempus est acabau in paridadi po trintotu a trintotu ma candu torrant in campu sa scuadra de Pozzecco giogat comenti scit fairi e Cooley fait unu canestu in fatu de s’atru erribendu po a s’acabu a ndi fairi bintidus. Sa partida sighit a andai a innanti e sa Dinamo erribat finas a essi in pissu de bintunu puntus, ma candu s’arbitru serrat s’arresultau est cussu de noranta a setantadus.
Foto: wikipedia.org
