Ancora seus aspetendu s’uficialidadi de su presidenti Christian Solinas, chi at bintu is eletzionis regionalis de su 24 de friargiu passau, ma sa scuadra de su centrudresta est giai trabagliendu, a suta de ludu, po fairi is assessoris nous po sa Giunta chi at a guvernai is cincu annus chi ant a benni. Is partidus s’ant a atobiai in is dis benidoras, Fortza Italia giai pusti cras in Aristanis.
Si faint is primus nominis: Giusepu Fasolino po s’Urbanistica, Alissandra Zedda po s’Industria po su partidu de Berlusconi; po sa Lega, invecias si chistionat de Franciscu Baldessi po sa Sanidadi e a su èpartidu de Salvini podint andai finas Agricoltura o Trasporti. Su partidu de su Presidenti Solinas iat a bolli sa Cultura, cun su giorronalista Antoni Moro comenti de Assessori, e is Affari Generali.
Is Riformatori forsis a is Lavori pubblici e Lavoro e unu de is Fratelli d’Italia po sa delega a sa Programmazione.
