Su Casteddu, eriseru a merìceddu, teniat de si giogai is otavus de sa Coppa Italia 2018-19 apustis chi ci iat bogau su Chievo andendu a binciri in Verona. Tropu forti s’Atalanta de Gasperini po is piciocus de Maran. Si dd’ant giogada is orrubius e asulus ma a is bergamascus ant postu in campu totu sa gana e totu sa fortza chi tenint e sa vitoria est andada a chini si dd’at meritada de prus. Pariat una partida chi podiat acabai a is suplementaris ma candu Zapata a una pariga de minutus de su norantesimu at segnau s’est cumprendiu ca non c’iat prus nudda de fairi e su segundu gol de s’Atalanta est erribau candu sa partida fut bella che acabada. At giogau po sa prima borta cun su Casteddu cuddu Birsa chi Giulini at arregalau a Maran po pigai su postu de Castro chi s’est strupiau a innanti de sa partida cun su Torinu in su mesi de Sant’Andria.
Imoi, posta a un’ala sa Coppa, sa conca torrat a andai a su campionau e dominigu su Casteddu, in su Sardegna Arena, si dda giogat cun s’Empoli de Iachini.
Foto: repubblica.it
