Dominigu chi benit Mateu Salvini e Danilu Toninelli torrant un’atra borta in Sardigna. Po su Ministru de is Internus est Eugeniu Zoffili, su coordinadori de sa Lega in s’Isula, a ddu fairi sciri in s’atobiu de is candidaus de su collegiu casteddaiu cun su numuru dus de is Internus Nigola Molteni. A-i cust’atobiu ddue fut finas su candidau a sa presidentzia de sa Regioni de su centrudresta Christian Solinas. Zoffili nnon at fatu sciri ancora aunia ata andai su ministru ma de seguru non at abarrai frimu in-d-unu logu e bastat.

A pustis de sa bisita de su digiaseti de gennariui torrat in Sardigna finas Danilo Toninelli. Su ministru de su guvernu Conte at essi in Terranoa, Porto Torres e Salighera cras, po agiudai su candidau de is Steddaus Franciscu Desogus. In sa dì de oi etotu Toninelli iat a depiri biri finas is cantieris de sa strada chi de Sassari erribat in Terranoa. In sa bisita de gennargiu su ministru fut abarrau feti in Casteddu, custa borta at puntau a su cabu de sus.

 

Foto: farodiroma.it