A pustis is Regionalis de su binticuatru de friargiu, in Sardigna si torrat a votai in is mesis de arbili e maiu. In su mesi de sa Madonna si at a votai in bintotu biddas po torrai a fairi is consiglius comunalis e duncas is sindigus. Ancora non si sciti chi s’at a torrai a votai sa propria dî de is europeas e is cabinas eletoralis ant essi obertas in Tatari e, a pustis de sa decisioni de Massimu Zedda de si ndi torrai in Regioni, in Casteddu puru. Tra is biddas cun prus de cuindigimila abitantis agataus Pauli, Sinnia e S’Alighera, is atras biddas aunia si torrat a votai funt dividias in ses in sa provincia de Nugoro, cuatru in sa provincia de Aristanis, cincu in cussa de Tatari e noi in cussa de su Sud Sardegna. Un’atra votatzioni est po su ses de arbili po s’eletzioni de is presidentis e de is consiglieris provincialis. Po sa prima borta ant ess ifeti is sindigus e is consiglieris comunalis a votai.
Foto: avellinotoday.it
