Sa scuadra de basket de sa Dinamo Sassari at giogau sa segunda partida de is cuartus de sa Europe Cup, contras de su Pinar, eriseru in Sassari e dd’at paregiada po otantatres a otantatres. Grai meda fut stetia sa vitoria de is sassaresus in sa prima partida giogada in Turchia. Imoi sa Dinamo est erribada a una partida de sa finali e mai, in sa storia sua, fut andada aici a innanti in is copas europeas.
Pariat una partida perdia e giai si biat sa Dinamo foras de s’Europa Cup, in sa manera prus legia. Su vantagiu de digianoi puntus chi is piciocus de Pozzecco teniant a pustisa sa prima partida in pag’ora est acabau e sa scuadra turca est erribada a tenni finas bintises puntus in prus. Ma de sa segunda metadi de su tertzu cuartu sa Dinamo at cambiau marcia e at incumentzau a giogai comenti scit fairi e a unu certu purtu est finas andada in vantagiu. A sa fini, finas cun su paregiu, is tifosus, paris a is giogadoris, ant fatu festa manna.
Foto: ilsussidiario.net
