Sa Dinamo Sassari in is cuartus de finali de sa Europe Cup at bintu in Turchia, mercuris chi benit si giogat s’atra partida in Sardigna. Sa scuadra de Pozzecco bincit in Europa puru, a pustis sa partida binta dominigu in Pistoia, contras de sa Pinar Karsyiaka. Sa Dinamo at cumandau de su primu a s’urtimu minutu de sa partida e a sa fini ant fatu otantaseti puntus contras is sessantotu, invecias, de is turcus. A metadi de sa partida is piciocus de Pozzecco funt a innanti de seti puntus e in s’atra metadi su vantagiu si nd’est pesau finas a dixianoi. Cussu chi at fatu prus puntus de totus est Jack Cooley cun bintises ma finas Polonara nd’at fatu cuindixi, McGee doxi e Spissu undixi. Dominigu in Sassari erribat sa scuadra de Trento po una partida chi balit meda po erribai a si giogai is play-off. Parit ca is cosas imoi funt andendu beni e sa partida de dominigu serbit po fairi pigai prus fiducia a is piciocus sassaresus.
Foto:tuttobasket.net
