Sa Dinamo Sassari bincit sa prima partida de is otavus de finali de sa Fiba Europe Cup in Olanda contras su ZZ Leiden. Is ominis de Giuannimarcu Pozzecco ant bintu po97 a93, sunfrendu meda in s’utima parti de sa partida a pustis airi dominau totu s’orrestu. S’est timiu aberu po sa vitoria a s’acabu finas chi sa partida pariat scontada gratzias puru a is canestrus de McGhee, chi at fatu digianoi puntus e Cooley, chi nd’at fatu bintunu.
Sa Dinamo at incumentzau sa partida cun Smith, McGee, Carter, Polonara e Cooley. Partint meglius is olandesus ma candu Cooley e Polonara incumentzat a giogai is biancus-asulus bolanta e de candu funt a dogi puntus contras a cincu is olandesus depint feti sighiri totu sa partida. Su primu cuartu de partida acabat21 a13 e a sa metadi is sassaresus funt a innanti po 42 a 39. Candu ndi torrant de is spogliatoius is piciocus de sa Dinamo funt ancora prus inganius e bessint a tenni unu vantagiu de catodigi puntu. Candu sa scuadra incumentzat a sunfriri Pozzecco lamat una pariga de time-out po cicai de ndi scidai is giogadoris e s’erribat a si poderai cuatru puntus in prus. Sa cida chi benit sa torrada in Sassari.
Foto: lanuovasardegna.it
