Beni ma non beni meda, funt degi milionis is italianus chi eriseru, in Raiuno ant bidu su primu merì de su festival de Sanremo. Chi si castiat a sa prima puntada de s’annu passau si perdint prus de unu milioni de mesu de spetadoris.
“Cussus chi ant bidu su festival in sa primu dì funt, prus o mancu, cussus chi nos aspetiaus – cicat de non essiri arriolada sa deretora de Raiuno Teresa De Santis -. Funt numurus chi nos pragint meda, finas poita eus torrau a portai in su canali nostru genti chi si ndi fut andada de meda. Fut propriu in is intentzionis mias cussa de portai a biri Raiuno is giovanus chi fustis perdendu”.
Candu calencunu ddi narat ca forsis su Quartetto Cetra e “La vecchia fattoria” non funt propriu po genti giovana sa diretora narat: “Est beru chi teneus unu target ma a-i custu target depeus finas fairi biri calencuna chi non funt abituaus a biri”.
Foto: rollingstone.it
