Sa Nuova Sardegna at publicau unu sondagiu in pissu de is Regionalis de su 24 de friargiu aunia Massimu Zedda nd’at sighiu a Desogus e imoi est segundu a is palas de Christian Solinas. Totu is atrus mancu si ddue acostiant a-i custus tres chi parint cussus chi pigant prus consensus.

Solinas, in custu indagu, benit donau de su33 asu 37, su sindigu de Casteddu de su 29. Su poderi spaciat, e spantat meda s’orruta chi faint is dus partidus chi ant cumandau in is urtimus annus. Su Partidu Democratigu de su 14,8 po centu de is Votatzionis de martzu passant a su 12,6, peus ancora Fortza Italia chi de su 14,8 de martzu calant a su 6,3 po centu. Is Steddaus funt su primu partidu de s’Isula cun su 23,5, sa Lega bessit a su 14,6.

Sighint is atrus ma cun pagus numurus de averas e po custa cica at essi dificili meda chi intrint cun calencunu consiglieri.

 

 

Foto: sardiniapost.it