Custu merì, a is otu e mesu, torrat in campu su Casteddu a pustis sa partida perdia contras de su Bologna dominigu passau. Ddu faiti gioghendu cun sa Fiorentina de Istevini Pioli, est s’ocasioni bona po arregodai ancora una borta Davide Astori, su capitanu de sa Fiorentina mortu s’annu passau chi at giogau po annus medas in Casteddu.
Torrendu a su campu tocat a nai ca custa borta tocat a fairi is matessis cosas fatas cun s’Inter poita Maran puru s’aspetaiat de is piciocus sûs un’atra partida in Bologna. Maran non est arriolau meda ma tenit calencuna duda po sa formatzioni de fairi giogai. Cussus chi non dd’ant a podiri fairi de seguru funt Bradaric ca depit abarrai frimu. po fortza, po una partida e Castro, Cerri, Despodov e Klavan ca funt strupiaus. Pellegrini giai iat a podiri giogai ma non est a su meglius e po custu non iat essi spantosu de si biri Padoin a manca. Erriscat finas Srna, est prontu, ddi fut ora, Cacciatore chi ancora non at giogau nudda de candu est erribau in gennargiu. Torrant, a pustis sa scualifica, Cigarini cun Faragò chi, paris a Ionita, ant essi in mesu de su campu. Barella giogat ancora una ia in palas de is atacantis Joao Pedro e Pavoletti.
Foto: calciostyle.it
