Custu merì, a unu cuartu de ora de is seti, in Israele, contras su Hapoel Holon, sa Dinamo Sassari si giogat sa semifinali europea. S’annu passau, in Champions League, cun sa matessi scuadra, is sassaresus iat bintu in sa partida de andada e in cussa de torrada puru e custu merì puru si bolit binciri chena farta.

Is piciocus de Pozzecco funt allirgus meda de sa partida binta s’atra dì in Milanu e custa allirghia si podit portai in campu puru po giogai chena duda peruna.

Is meris de domu funt primus in classifica in su campionau de Israele ma a-i custa partida funt erribaus cun grandu suferentzia a pustis chi ci funt bessius de sa Champions. Is israilianus in is cuartus ant bintu feti a sa coa de partida cun is ungheresus de s’Alba Fehervar e in sa partida a innanti iant bintu, contras de is bulgarus de su Balkan, po cuatru puntus in sa prima partida e perdiu po unu puntu in sa torrada.

S’atra partida po erribai a si giogai sa copa in finali est cussa de su Varese cun su Oliver Wurzburg.

 

 

Foto: dinamobasket.com