Non ce dd’at fata Pawel Adamowicz, su sindigu de cincuantatres annus de Danzica pigau a corpus de gorteddu su merì de dominigu passau intremesu de unu concrtu de beneficenza. Su sindigu fut unu de is ominis politigus prus connotus in Polonia ca fut contras is poligas de su guvernu sovranista de Jaroslaw Kaczynski. pustis is gorteddadas dd’ant portau inderetura in s’ispidali e operau po cinc’oras.
Est mortu eriseru a ora de prangiu in s’ipidali e totu aunia dd’ant portau e aunia genti meda est erribada po arregalai su sanguni chi fut possiu serbiri.
“Eus fatu de totu po cicai de ddu sarvai ma non ce dd’eus fata, a dolu mannu”, at nau Thomasz Stefaniak, diretori de s’ispidali de Danzica.
S’omini chi at bociu su sindigu est Stefan W. e tenit bintiset’annus. Po su numuru dus de su ministeru de s’Internu Jaroslaw Zielinsk, in is tempus passaus su bocidori at tentu problemas mannus a conca. Feti s’indagu de sa politzia at a podiri nai comenti s’omini, chi ndi fut bessiu de pagu de presoni po una fura cun armas in banca, siat possiu intrai aunia ddue fut su sindigu poita non totus ddu podiant fairi.
Foto: affaritaliani.it
