Su presidenti francesu Emmanuel Macron at chistionau eriseru po telefunu cun su presidenti de sa Republica Sergiu Mattarella, a pusti chi nd’iat torrau s’ambasciadori de Roma a Parigi po intendiri su chi teniat de nai. De custa telefonada dd’at fatu sciri s’Eliseu etotu. Is dus presidentis ant arregodau s’importantzia manna de s’amicitzia de sa Francia e de s’Italia in totu is campus de s’economia, de sa cultura e de sa gana de Europa. Si funt finas arregodaus de candu sa Francia e s’Italia ant fatu paris s’Europa e paris cicant de dda fairi andai a innanti. A nai ddus fueddus de custa telefonada finas su presidenti Conte chi aici at nau: “S’amicitzia de s’Italia cun sa Francia est forti comenti de sempiri e non ant essi cuatru fueddus a dda ponni in perigulu”. Parigi nd’at fatu torrai s’ambasciadori a pusti is fueddus de is guvernantis italianus contras de is francesus, fut de su 1940 chi non sucediat, de candu s’Italia fut intrada in guerra contras de sa Francia etotu. Foto: aise.it
