Chini ant essi is doxis assessoris nous a pusti de is eletzionis regionalis? Sa Lega, giai si sciat, bolit sa Sanidadi aunia iat a bolli ponni Guidu De Martini, ma finas is Riformadoris e s’Udc iant a bolli su matessi assessorau. A innanti c’at de cumprendiri una pariga de cosigeddas, sa prima est cussa de sciri comenti su Governadori nou, Christian Solinas, at a scioberai su numuru de politicus e-i dussu de is tennicus. A dogna manera, parit, ca tres assessoraus ant essi de sa Lega, dus a Forza Italia e Partidu Sardu, unu a is Fratelli d’Italia, Udc, Riformatori, Sardegna 20Eventi, poi paris Sardegna Civica e Fortza Paris.

Sa Lega iat a podiri decidiri de possi a sa sanidadi calencunu chi non siat sardu (comenti fut giai sussediu in su guvernu Soru), e si poderai s’assessorau de is Trasporti. Po su Bilanciu si fait su nomini de Orrobertu Frongia de is Riformatori. Efisio Arbau, chi est su sindigu de Ollolai, non intrat in Consigliu ma podit intrai che assessori de s’Agricoltura, finas chi depit timiri su nomin de Gaietanu Ledda. Po sa Cultura is nominis funt cussus de su sindigu de Barumini Erricu Lilliu e-i cussu de su giorronalista Antoni Moro.