Una truma de una dexina de feminas, pobiddas, mamas e sorris de is pastoris sardus eriseru est erribau in Roma po chistionai cun sa presidenti de su Senau Maria Elisabetta Alberti Casellati. Is feminas, calencuna de custas fut bestia cun su costumu sardu, ant arregalau a sa presidenti unu sciallu chi si fait in su Sulcis, e in s’ora sa Casellati at ascurtau su contu de unu pipiu de dex’annus, Arricardu Atzeni, in pissu de is problemas mannus de is pastoris in Sardigna. Sa delegatzioni est andada in Palazzo Madama “po fairi sciri cussu chi pensant po su pretziu de su lati in Sardigna” at fatu sciri Elvira Usai, sindaga de Santu Giuanni Suergiu una de is biddas de su Sulcis aunia ddue funt prus pastoris. “Eus pediu a sa presidenti de donai unu sinnali a su guvernu de is problemas nostrus e de portai a innanti sa bogi de is feminas”, at sighiu a nai Usai a pustis de s’atobiu.
Foto: ansa.it
