Candu in Italia funt is tres de sa noti in sa Nuova Zelanda una truma armada de pistolas e fosilis ant incumentzau a fairi fogu in duas moscheas de Christchurch bocendu genti meda, sonumancu corantanoi tra ominis e feminas.
Sa prima moschea pigada a fosiladas est in cussa de Al Noor, aintru funt in trexentus a pregai candu, parit, tres ominis e una femina funt imbucaus e ant sparau chena peruna piedadi. In is fosilis, umperaus po bociri, funt assentaus is nominis chi in is tempus passaus iant cicau de fairi su matessi e, a malu coru, finas s’italianu Luca Traini, su piciocu chi in su mesi de friargiu de s’annu passau iat sparau in Macerata contras de is imigraus e po cussu est in presoni. Atrus nominis assentaus funt cussu de Alexandre Bissonette e de Sebastiano Venier: su primu iat bociu, in su 2017 ses personis in-d’una moschea su matessi e su segundu, invecias, in su 1571, iat bintu sa bataglia de Lepanto contrs de is Turcus.
“Est una de is dîs prus nieddas de su Stadu nostru” at nau su primu ministru de sa Nuova Zelanda Jacinda Ardern.
Foto: ansa.it
