Su trombetista norvegesu Nils Petter Molvaer, su pianista cubanu Omar Sosa, su baterista de otantases annus Gegè Munari, sa regina de sa cantzoni italiana Ornella Vanoni ma finas Danilu Rea e massimamenti, po sa festa de s’acabu, s’Orchestra de Mirko Casadei, chi est su figliu de Raul, chi mescit su lisciu de sa Romagna cun atra musica. Funt feti una pariga de is prus de centu artistas chi de su seti a su segi de austu ant essi in Time in Jazz, su festival internatzionali de Berchidda inventau e dirigu de sempiri de Pàulu Fresu, s’artista sardu connotu in totu su mundu.
Comenti de sempiri non ant a mancai is cuncertus in is padentis e in is cresias de su monti in Berchidda etotu ma finas in atrus logus sempiri in cussas partis de Sardigna.
Su titulu de cust’annu est “Nel mezzo del mezzo”. “Unu pagau comenti su numuru trintadus – at nau Fresu eriseru prensentendu su Festival in Milanu – numuru chi set postu tra su trintunu chi sighit cussu pagu perfetu de su trinta e su trintatres chi bolit nai maturidadi. Ma est finas po sa Sardigna, s’isula chi est in mesu tra s’Africa e s’Europa, una terra de mesu po ins viagius de is emigraus de su Duamila”.
Foto: discovery-sardinia.com
