Thereau, Cacciatore, Luca Pellegrini e Leverbe funt is giogadoris nous de su Casteddu chi andant a s’aciungiri a-i cussus giai erribaus in su mesi de gennargiu: Birsa, Oliva cun Despodov. Si nd’andant de su Casteddu Sau, Farias, Pajac e Andreolli. Dessena si ndi fut giai andau a su Brescia de Cellino a incumentzu de mesi. Tres giogadoris erribant po sa difesa, dus giovunus che Pellegrini e Leverbe e unu prus espertu che-i Cacciatore, chi at giogau cun Maran in is annus passaus in su Chievo. Indenanti, po agiudai Pavoletti abarau cun Cerri e Joao Pedro a pustis is partentzias de Sau e Farias a sa Sampdoria e a s’Empoli, erribat de sa Fiorentina Thereau, trintases annus de fairi ocannu. Giogadori francesu chi in Italia, sempiri in serie A, at fatu 66 gol cun is maglias de Chievo, Udinese e Fiorentina. Erribant totus finas a su 30 de làmpadas e feti po Cacciatore ddu est s’obligu de ddu comporai.
