“Teneis unu casu chi lassat chena fueddus, imoi ndi depeis fairi de prus, deu mi pigu s’impignu de ddu fairi connosciri e de ddu ponni in is ristorantis mius”. Custus is fueddus de Oscar Farinetti, su meri de Eataly, candu at testau su casu de is pastoris de Bitti. Farinetti, paris a Briatore chi de una pariga de annus agiudat is pastoris sardus, fut in Bitti po atobiai is catodigi pastoris chi cun sa sociedadi Mama ‘e Oro dd’ant pesau su stema “Bithi di Barbagia”: cincu de custus casus funt bendias de dus annus de Eataly. Fut un’atobiu importanti po totus custu de Bitti. “Eus chistionau e nosu pensaus chi su casu chi depint fairi is pastoris depit essiri de prus – narat Farinetti -. Is pastoris ce dda depint fairi a bessiri de custa crisi, nosu de dus annus bendeus su casu Bithi ma is pastoris de su sotziu “Bithi in Barbagia” po nosu trabagliant feti su degi po centu de su lati de is brebeis, s’atru noranta po centu ddu donant a is industrialis chi ddu pagant tropu pagu. tocat a erribai a fairi su casu po nosu cun su centu po centu de su lati, aici feus connosciri custu casu in totu su mundu”.
Foto: www.ilsole24ore.com
