Fàbiu Aru est un’atra borta in pissu de sa bicicreta, ddi fut ora. C’at bofiu tempus, nd’at a serbiri atru puru po ddu torrai a biri un’atra borta in gara ma custus, po su ciclista de Biddexidru, funt dis bellas e cun s’errisu in faci, a pustis is stremus de dolori e de stanchesa non po is bessidas ma poita su motori si fut sconciau.
Fabiu Aru est torrendusì a allenai in Lugano, aunia bivit e non bit s’ora de torrai a curriri e de torrai a binciri. Forsis giai de sa Vuelta in Spagna in cabidanni.
In-d’una intervista a sa Nuova Sardegna su campioni sardu narat: “Apu tentu una meca de cosa de fairi, una a apustis de s’atra, ma imoi apu torrau a setziri in bicicreta. Apu torrau a incumentzai cuindigi dis a oi a bellu a bellu, dogan dì po un’ora prus o mancu, ma candu, su tres de maiu m’ant torrau a controllai, apu, un’atra borta, fatu de prus. A bellu a bellu seus torrendu che a innanti”.
Foto: wikipedia.it
