“Pensu chi siat erribau su tempus po fairi sa prima femina sindigu de Casteddu”. Cun custus fueddus Francisca Ghirra at fatu sciri de curriri po si primarias de su centrumanca po is eletzionis comunalis po su sindigu nou de sa capitali sarda. Ghirra est imoi s’assessori a sa “Pianificazione strategica e Urbanistica”, at scritu in Facebook: “Medissima genti m’at pediu de mi ponni in giogu po is primarias e deu, a pustis c’airi pensau beni, apu decidiu de ddu fairi”. “Sciu beni – aciungit Ghirra – cantu Casteddu siat crescia in custus annus. Annus aunia apu connotu de acanta su mundu de sa cultura, cichendu de fairi de totu po is problemas de sa citadi”. Serrat, in segus, de aici: “Eus fatu meda e eus bistu cali funt is ideas po su cras. Casteddu tenit abisongiu de totu is inteligentzias nostas e de totu sa fortza chi fait a ddi donai”.
Foto: comune.cagliari.it
