A is biddas in su monti ant erribai undigi milioni de eurus po cicai de agiudai is atividadis cumercialis po cicai de ddus fairi andai a innanti. Custu dinari est po Piemonte, Valle d’Aosta, Lombardia, Veneto, Friuli Venezia Giulia, Liguria, Emilia Romagna, Toscana, Umbria, Marche, Lazio, Abruzzo, Molise, Campania, Puglia, Calabria, Basilicata, Sicilia e sa Sardigna puru.
Su dinari ddu at postu cun d’unu decretu firmau de su ministru po is Afaris Regionalis Erika Stefani, de s’Internu Mateu Salvini e de s’Economia Giuanni Tria. “Est un agiudu po totu is impresas piticas, narat Salvini, cicaus de donai una manu a chini ndi tenit abbisongiu”.
Funt stetius scioberaus prus de cuatrugentu progetus chi is biddas ant presentau in totu s’Italia, de custus digiotu funt po prus annus e tregentuotantanoi, invecias, funt po un’annu e bastat.
Foto: vallesabbianews.it
