Partida importanti meda est cussa chi cras a mericeddu s’at a giogai in Casteddu aunia erribat su Parma de D’Aversa. Su Casteddu erribat de tres partidas perdias una in fatu de s’atra, imoi tocat a cambiai unu pagheddu poita chi sighit aici s’acostiat sempiri de prus sa zona retrocessioni. Est una partida de importu mannu ca su Parma est una scuadra chi giogat beni massimamenti candu depit giogai in difesa e poi torrai a atacai a sa fidada. Tenit giogadoris lestrus cun sa bocia e cun sa cursa e Gervinho fait a timiri a beru. Tocat a donai croba meda e cicai de si dda giogai cun gana e barra ca su Casteddu tenit ominis e giogadoris fortis Unu chi podit fairi sa diferentzia est de seguru Joao Pedro, ma finas unu comenti de Pavoletti est prontu a si dda cumbatiri. Is giogadoris iant a bolli chi a biri sa partida ddue siat genti meda e chi non morrungit a is primus sbaglius ca tenint abbisongiu de tifu.

 

 

 

Foto: cagliarinews24.com