Una cica de su Sole 24 ore in pissu de su clima meglius de is citadis italianas ponit Casteddu in sa tredicesima positzioni. Cantas bortas nos si seus pregontaus, a innanti de partiri de una citadi a s’atra, cali tempus nos aspetaiat? Is primas tres citadis cun su clima meglius (oras de soli, calori meda, umididadi, bentu, frischigeddu in s’istadi, dîs fridas, abba e nebida) funt Imperia, Catania e Pescara. Atras ses citadis de su sud de is isulas in is primas dexi. Pagu prus a giossu, Casteddu, e duncas, abarrendu in Sardigna: Tatari a trinta, Aristanis a trintotu e Nugoro a cincuantotu.
A fairi sa diferentzia manna est su mari, aunia ddu est si bivit meglius. Castiendu beni custa cica nos acataus ca Casteddu est una de is citadis aunia proit prus pagu e aunia su frius non calat cuas imai a suta de is tres gradus.
Sa maglia niedda de custa cica est po Pavia, e a sighiri Vercelli, Novara e Lodi. IS citadis mannas invecias funt totu a dopu is primas binti: Roma bintunu, Venetzia coranta, Napoli corantatres, Firenze cincuantunu, Torinu noranta e Milanu norantotu.
Foto: ilsole24ore.com
