Fischius ratzistas in sa Sardegna Arena

Funt passaus cincu mesis de candu in su Sardegna Arena iant fischiau su giogadori nieddu de sa Juventus Kean. Imoi, dominigu passau in sa partida perdia contras de s’Inter, un’atra borta de sa curva Nord, aunia ddue funti s tifosus prus caglientis de su Casteddu, funt erribaus atrus fischius po unu giogadori nieddu: Romelu Lukaku, belga de s’Inter erribau in Italia de s’Inghilterra aunia giogaiat cun su Manchester United. Si fut inderetura cumprendiu ca a Lukaku sa cosa non est pragia meda, e in campu fut giai inchietu meda. Eriseru su belga at nau ca: “Giogadoris medas in is urtimas cidas funt stetius fischiaus poita nieddus, a mei est sucediu eriseru. Su giogu de palloni iat depiri cuntentai a totus e non si podint intendiri certas cosas. Sa sperantzia mia est chi totu is federatzionis de su mundu pighint decisionis importantis po cicai de fairi acabai una borta po totus custa genti” at scritu in Instagram. “Seus in su 2019 e invecias de andai bia su benidori seus torrendu a coa”, at sighiu su campioni. A Lukaku ant fatu prageri si fueddus de solidariedadi de su Casteddu de su sotziu de is giogadoris professionistas e de sa Lega de Serie A.

 

 

Foto: https://www.fcinter1908.it/copertina/pagelle-fcinter1908-cagliari-inter-sensi-lukaku/